Pisat tunisallu 2017-imi ikileriarlutillu amerleriarput.
Ukioq 2017-imi aalisakkanik qalerualinnillu tunisat tamakkiisumik isigalugu ukiup siulianut naleqqiullugu appariarput.
2017-imi avataasiorluni nammineq tunisassiuutigalugu aalisarnermi pisat ukiup siulianut naleqqiullugu qaffariarput.
Tamakku ullumi saqqummersumi Aalisarneq 2017-imi ilaatigut atuarne-qarsinnaapput.
Avataasiorluni aalisarnermi nunatta imartaani imartanilu allani pisat 2014-imiit – 2017-imut suussutsinut assigiinngitsunut agguarlugit
Tamanna saqqummersitami ”Aalisarneq 2017”-imi maannakkorpiaq Kalaallit Nunaanni Naatsorsueqqissaartarfiup nittartakkami www.stat.gl –mi tamanut saqqummiussaani takuneqarsinnaavoq.
Kisitsisinik paasissutissaasivik:
Kalaallit Nunaanni Naatsorsueqqissaartarfiup nittartagaani, kisitsisaateqarfimmi periarfissaqarpoq tulaasukkat annertussusiisa ineriartornerannik tam atumallu suussutsit ataasiakkaat akiinik paasissutis-sanik aallersinnaanermut, qaammatikkaartumik kommuneqarfikkaartumillu 1987-imiit 2017 ilanngullugu.
Aammattaaq avataasiorluni nunatta eqqaani imartanilu allani aalisarnermi pisat 2008-miit 2017-imut kisitsisaateqarfimmi takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat toqqaanartoq 34 57 87 atorlugu attavigineqarsinnaavoq.